தனுஷ், ரிச்சா நடித்து இருக்கும் படம் 'மயக்கம் என்ன'. செல்வராகவன் இயக்க, ஜி.வி.பிரகாஷ் இசையமைத்து இருக்கிறார்.
தீபாவளி வெளியீடு என்று அறிவித்தாலும் இயக்குனர் செல்வராகவனுக்கு உடல்நிலை சரியில்லாத காரணத்தால் தேதி அறிவிக்கப்படமால் இருந்தது.
இப்படத்தில் இடம் பெற்ற அனைத்து பாடல்களும் இளைஞர்களிடம் வரவேற்பை பெற்று இருப்பதால் படத்திற்கு பெரும் எதிர்ப்பார்ப்பு நிலவி வருகிறது.
'மயக்கம் என்ன' பட வெளியீடு குறித்து இயக்குனர் செல்வராகவன் தனது டிவிட்டர் இணையத்தில் " 'காதல் என் காதல்' பாடலை இரண்டு விதமாக தயார் செய்து இருக்கிறோம். படம் வெளியான முதல் வாரம் அப்பாடலின் ஒரு விதம் மட்டுமே படத்தில் இடம் பெறும்.
இரண்டாம் வாரம் முதல் இரண்டு விதங்களுமே படத்தில் இடம் பெறும். வரும் 18ம் தேதி படத்தினை வெளியிட தீர்மானித்து இருக்கிறோம். கண்டிப்பாக அனைவருக்கும் இப்படம் பிடிக்கும் " என்று தெரிவித்துள்ளார்.
0 comments:
Post a Comment
உங்களது கமெண்ட் என்ன ?