காங்கிரஸ் பொதுச் செயலாளர் ராகுல் காந்தியை மணக்க விருப்பம் தெரிவித்து பல பெண்கள் அவருக்கு இமெயில் அனுப்பி வருகின்றனர்.
காங்கிரஸ் பொதுச் செயலாளர் ராகுல் காந்திக்கு 40 வயதாகியும் அவர் இன்னும் திருமணம் செய்துகொள்ளவில்லை. எப்பொழுதும் அமைதியாகக் காணப்படும் ராகுலுக்கு நாட்டில் பல ரசிகைகள். அவருக்கு 40 வயதாகிவிட்டாலும் அவரை மணக்க இளம்பெண்கள் அதிக ஆர்வம் காட்டுகின்றனர். சில திரைப்பிரபலங்கள் கூட ராகுலை மணக்க விரும்புகின்றனர்.
காங்கிரஸ் கட்சியினர் ராகுல் காந்தி இந்த வருடமாவது திருமணம் செய்துகொள்ள மாட்டாரா என்று எதிர்பார்க்கின்றனர். ராகுல் உத்தர பிரதேச சட்டசபை தேர்தலை முன்னி்ட்டு அங்கு தீவிர பிரசாரத்தில் ஈடுபட்டு வருகிறார். இதற்கிடையே தனக்கு தினமும் வரும் இமெயில்களைப் படித்து பதில் அனுப்ப அவர் தவறுவதில்லை.
சமீப காலமாக அவருக்கு திருமணம் பற்றிய இமெயில்கள் வநது குவிகின்றன. பல பெண்கள் தங்களைத் மணந்துகொள்ளுமாறு கேட்டுக்கொள்கின்றனர். பலர் ராகுலை திருமணம் செய்ய வலியுறுத்தியும், தங்களுக்கு தெரிந்த பெண்களை மணக்குமாறும் வலியுறுத்தி வருகின்றனர். இந்த இமெயில்களைப் பார்க்கும் ராகுலுக்கு என்ன சொல்வதென்று புரியவில்லை. இருப்பினும் தன் மீதுள்ள அன்பால் இமெயில் அனுப்புபவர்களுக்கு திருமணம் பற்றி நாசுக்காக பதில் அனுப்புகிறார்.
0 comments:
Post a Comment
உங்களது கமெண்ட் என்ன ?