இப்போதுதான் சிம்புடனான காதல் பிரச்னையில் இருந்து விடுபட்டு, தமிழ், தெலுங்கில் அதிகப்படியான படங்களை கைப்பற்றி மீணடும் விட்டஇடத்தை பிடித்திருக்கிறார் ஹன்சிகா. அதனால், சில காலம் சரியான திட்டமிடல் என்பது இல்லாமல் கால்சீட் சொதப்பல் நடிகை என்ற பெயரையும எடுத்தார். ஆனால் இப்போது, தன் மீது யாரும் குற்றம் குறை சொல்லக்கூடாது என்று ரொம்ப கவனமாக கால்சீட் கொடுத்து நடித்துக்கொண்டிருக்கிறார் ஹன்சிகா.
இந்த நேரத்தில், உயிரின் உயிரே படத்தின் நாயகனான நடிகை ஜெயப்பிரதாவின் மகன் சித்துவுடன் ஹன்சிகாவுக்கு காதல் மலர்ந்திருப்பதாக கடந்த சில தினங்களாக மீடியாக்களில் புதிய செய்தி பத்திக்கொண்டது. அதையடுத்து சில மீடியாவினர், இது விசயமாக ஹன்சிகாவை தொடர்பு கொண்டு கேட்டபோது, எரியுற நெருப்பில் எண்ணெய் ஊற்றியதுபோல், கோபத்தில் குபீரென்று கொளுந்து விட்டு எரிந்தாராம்.
இப்பதான் காதலே வேண்டாம், நமக்கெல்லாம் அது சரிப்பட்டு வராதுன்னு கட் பண்ணிவிட்டுட்டு நிற்கிறேன். அதற்குள்ள அடுத்த காதலா? சான்சே இல்லை. தயவு செய்து என்னை விட்டுருங்க. இது விசயமாக மேலும் என்கிட்ட ஏதாச்சும் பேசி டென்சன் பண்ணாதீங்க. இன்னும் இரண்டு வருசத்துக்கு நான் சினிமாவுல ரொம்ப பிஸி என்று கடகடவென்று சொல்லி தனது பேச்சையும் முடித்துக்கொண்டாராம் ஹன்சிகா.
0 comments:
Post a Comment
உங்களது கமெண்ட் என்ன ?