காக்கைக்கும் தன் குஞ்சு ஒஸ்திதான் என்பதை ஒவ்வொரு காக்கையுமே நிரூபிக்க துடிக்கும். காக்கைக்கே அப்படியிருக்கும் போது சிம்பு மட்டும் விட்டுக் கொடுப்பாரா? இந்த தீபாவளிக்கே ஒஸ்தி வந்திருந்தால் நாமதான் ஹிட்டடிச்சிருப்போம் என்று நம்பிக்கையோடு பேசி வருகிறார். அப்படி வராமல் ஒதுங்கிய தரணியிடமே தன் வருத்தத்தை காட்டினாராம்.
இவர்தான் இப்படி என்றால், டைரக்டர் தரணி, தயாரிப்பாளர் ரமேஷ் ஆகியோரும் அதீத நம்பிக்கையோடு இருக்கிறார்களாம். அது எப்படி என்பதற்கு ஒரே ஒரு உதாரணத்தை போட்டு உதிரத்தை உறைய வைக்கிறார்கள் கோடம்பாக்கத்தில்.
மயக்கம் என்ன, ஒஸ்தி இரண்டும்தான் வருகிற சில வாரங்களில் மோதிக் கொண்டு நிற்கும் போலிருக்கிறது. விநியோகஸ்தர்களின் சாய்சில் ரெண்டுக்குமே நல்ல மரியாதை. அதிலும் ஒஸ்தி படத்தை மொத்தமாக வாங்க முன் வந்திருக்கிறதாம் ரிலையன்ஸ் நிறுவனம். படத்திற்காக செய்யப்பட்ட செலவு, சிம்புவின் மார்க்கெட் ரேட், இதையெல்லாம் மனதில் வைத்து சுமார் பதினெட்டு கோடி வரைக்கும் ஏறி வந்தார்களாம் அவர்கள்.
ரெண்டு விரலையும் நாலு விரலையும் சேர்த்து நீட்டும் தரணி அண் கோ, அதற்கு கம்மி என்றால் ஸாரி... என்கிறார்களாம் ஒரேயடியாக. ஓவர் ஹைப்பு உடம்புக்கு ஆகாதுன்னு 7 ஆம் அறிவுக்கு வேணும்னா தெரியாம இருக்கலாம். ஆறாம் அறிவுக்கு தெரிஞ்சா தப்பிச்சிக்கலாமே!
0 comments:
Post a Comment
உங்களது கமெண்ட் என்ன ?