Img பசுபதிபாண்டியன் கொலை வழக்கு: சுபாஷ் பண்ணையார் உள்பட 11 பேர் திண்டுக்கல் கோர்ட்டில் ஆஜர் Pasupathi pandiyan murder subash pandian with 11 members surrendered
திண்டுக்கல், ஜன.2–
தேவேந்திரகுல வேளாளர் கூட்டமைப்பின் நிறுவன தலைவராக இருந்து வந்தவர் பசுபதிபாண்டியன். இவர் கடந்த 10.1.2011–ம் ஆண்டு திண்டுக்கல் அருகே நந்தவனப்பட்டியில் உள்ள அவரது வீட்டில் மர்மநபர்களால் படுகொலை செய்யப்பட்டார். இந்த சம்பவம் அப்பகுதியில் பெரும் பரபரப்பை ஏற்படுத்தியது.
கொலை வழக்கு தொடர்பாக தாடிக்கொம்பு போலீசார் தூத்துக்குடி மாவட்டம் மூலக்கரையை சேர்ந்த சுபாஷ் பண்ணையார் உள்பட 18 பேர் மீது வழக்குபதிவு செய்தனர். இந்த வழக்கில் நிர்மலா, முத்துப்பாண்டி உள்ளிட்ட சிலரை போலீசார் கைது செய்தனர். இந்த வழக்கு திண்டுக்கல் 2–வது மாஜிஸ்திரேட் கோர்ட்டில் நடந்து வருகிறது.
தலைமறைவாக இருந்து வந்த சுபாஷ் பண்ணையார் கடந்த மாதம் 3–ந்தேதி திண்டுக்கல் 2–வது மாஜுஸ்திரேட் கோர்ட்டில் ஆஜராகி முன்ஜாமீன் பெற்றுக்கொண்டார்.
இன்று காலை இந்த வழக்கு விசாரணை திண்டுக்கல் 2–வது மாஜிஸ்திரேட் கோர்ட்டில் நீதிபதி சையதுசுலைமான் தலைமையில் வந்தது.
அப்போது சுபாஷ் பண்ணையார், ஆறுமுகம், சண்முகசுந்தரம், அருளானந்தம், நடராஜன், மாடசாமி, ஆனந்தராஜ், தாராசிங், சன்னாசி, ரமேஷ், அருள்மணி ஆகியோர் நேரில் ஆஜரானார்கள். பின்னர் நீதிபதி சுலைமான் மீண்டும் வழக்குவிசாரணையை வருகிற 18.2.2014 அன்று ஒத்தி வைத்து உத்தரவிட்டார்.
முன்னதாக கோர்ட்டில் ஆஜராவதற்காக வந்த சுபாஷ்பண்ணையாரை மாவட்ட எல்லையான பாண்டியராஜபுரத்தில் இருந்து போலீசார் பலத்த பாதுகாப்புடன் திண்டுக்கல் கோர்ட்டுக்கு அழைத்து வந்தனர்.
நீதிபதி முன்பு ஆஜரான அவர் கோர்ட்டை விட்டு வெளியே வரும்போது புகைப்படக்காரர்கள் படம் எடுத்துவிடக்கூடாத வகையில் முகத்தை கையால் மறைத்துக்கொண்டு வேகமாக ஓடிவந்து தயாராக நிறுத்தப்பட்டிருந்த காரில் ஏறிச்சென்றார்.
சுபாஷ் பண்ணையார் கோர்ட்டில் ஆஜரானதையடுத்து கோர்ட்டு முழுவதும் பலத்த பாதுகாப்பு போடப்பட்டிருந்தது.
இந்த சம்பவத்தால் இன்று காலை கோர்ட்டு முழுவதும் பெரும் பரபரப்பாக காணப்பட்டது.
...
0 comments:
Post a Comment
உங்களது கமெண்ட் என்ன ?