வீராட் கோலி சிறந்த கேப்டன் Dhoni opinion Virat kohli is a good captain

இந்திய கிரிக்கெட் அணியின் துணை கேப்டனாக வீராட் கோலி ஜிம்பாப்வே சுற்றுப்பயணத்தில் கேப்டனாக பணியாற்றினார். டோனிக்கு ஓய்வு கொடுக்கப்பட்ட அந்த போட்டியில் இந்தியா 5 ஆட்டத்திலும் வென்று முத்திரை பதித்தது.
இந்த நிலையில் வீராட் கோலியை கேப்டன் டோனி பாராட்டியுள்ளார். சிறந்த கேப்டனாக உருவாகுவார் என்று கூறியுள்ளார். இது குறித்து டோனி கூறியதாவது:–

[Continue reading...]

இந்தியா ‘ஏ’ அணி 50 ரன் வித்தியாசத்தில் வெற்றி: முத்தரப்பு கிரிக்கெட் தொடரை வென்றது India A team won by 50 runs

இந்தியா, தென்ஆப்பிரிக்கா மற்றும்
ஆஸ்திரேலிய ‘ஏ’ அணிகளுக்கிடையிலான
முத்தரப்பு கிரிக்கெட் தொடர்
பிரிட்டோரியாவில் நடைபெற்றது. இதில்
இறுதிப்போட்டிக்கு தகுதிபெற்ற இந்தியா-
ஆஸ்திரேலியா அணிகள், கோப்பையை வெல்ல
இன்று பலப்பரீட்சை நடத்தின.
முதலில் ஆடிய இந்திய அணி, ஆஸ்திரேலிய
பந்துவீச்சை சமாளிக்க முடியாமல் 243
ரன்களில் (49.2 ஓவர்) சுருண்டது. கடைசி லீக்
ஆட்டத்தில் இரட்டைச் சதம் விளாசிய ஷிகார்
தவான் 62 ரன்கள் விளாசினார். தினேஷ்
கார்த்திக் 73 ரன்கள் சேர்த்தார். இருப்பினும்
மிடில் ஆர்டர் பேட்ஸ்மேன்கள் சோபிக்காததால்
இந்திய அணி 250 ரன்னை எட்டவில்லை.
கடைசி 5 விக்கெட்டுகள் 14 ரன்களுக்குள்
வீழ்ந்தது.
ஆஸ்திரேலிய பந்து வீச்சாளர்கள் ஜோஷ்
ஹாசில்வுட், நாதன் கவுல்டர் நைல் மற்றும்
ஹென்ரிக்ஸ் ஆகியோர் இந்திய
பேட்ஸ்மேன்களுக்கு அச்சுறுத்தலாக
விளங்கினர். ஹாசில்வுட், கவுல்டர் நைல்
ஆகியோர் தலா 3 விக்கெட்டுகளும், மிடில்
ஆர்டரில் ரன்களை கட்டுப்படுத்திய ஆல்
ரவுண்டர் ஹென்ரிக்ஸ், 2 விக்கெட்டுகளும்
கைப்பற்றினர்.
இதையடுத்து 244 ரன்கள் எடுத்தால்
வெற்றி என்ற இலக்குடன் களமிறங்கிய
ஆஸ்திரேலிய அணிக்க, இந்திய
பந்துவீச்சாளர்கள் கடும் நெருக்கடி அளித்தனர்.
இதனால் ஆஸ்திரேலிய அணி, 53 ரன்கள்
எடுப்பதற்குள் 5
விக்கெட்டுகளை இழந்து தடுமாறியது.
விக்கெட்டுகளை காப்பாற்ற போராடிய
ஹென்ரிக்ஸ் (20), ஹாசில்வுட் (30), பெயின்
(47) ஆகியோரும் விரைவில் ஆட்டமிழந்தனர்.
இதனால் ஆஸ்திரேலிய அணி, 46.3 ஓவர்களில்
193 ரன்களில் ஆல் அவுட் ஆனது. 50 ரன்கள்
வித்தியாசத்தில் வெற்றி பெற்ற இந்திய அணி,
கோப்பையை கைப்பற்றியது.

[Continue reading...]

இந்தியா தென் ஆப்பிரிக்கா ‘ஏ’ அணிகள் மோதல்: ஷிகார் தவான் இரட்டைச் சதம் Shikhar Dhawan slams double ton for India A against South Africa A

இந்தியா, ஆஸ்திரேலியா மற்றும் தென்
ஆப்பிரிக்க ஏ அணிகளுக்கிடையிலான
முத்தரப்பு ஒரு நாள் கிரிக்கெட் தொடர் தென்
ஆப்பிரிக்காவில் நடைபெற்று வருகிறது.
இன்று இந்தியா -தென் ஆப்பிரிக்கா ஏ
அணிகளுக்கிடையிலான
போட்டி பிரிட்டோரியாவில்
நடைபெற்று வருகிறது.
டாஸ் வென்று முதலில் களமிறங்கிய இந்திய
அணியின் துவக்க வீரர்களாக ஷிகார் தவான்,
முரளி விஜய் ஆகியோர் களமிறங்கினர்.
துவக்கம் முதலே அதிரடியாக ஆடிய இந்திய
வீரர்கள் 14 ஓவர்களில் 100 ரன்னைத்
தொட்டனர்.
37 பந்துகளில் 40 ரன்கள் குவித்த
முரளி விஜய், ஹென்ட்ரிக்ஸ் பந்தில்
ஆட்டமிழந்தார். அதன்பின்னர் புஜாராவும்,
ஷிகார் தவானும் தென் ஆப்பிரிக்க
பந்துவீச்சை அடித்து நொறுக்கினர். 86
பந்துகளில் சதம் கடந்த தவான்,
அதே வேகத்தில் இரட்டைச் சதத்தையும்
கடந்தார். 132 பந்துகளில் 24 பவுண்டரிகள், 4
சிக்சர்களுடன் இந்த சாதனையை அவர்
எட்டினார்.
இதன்மூலம் சர்வதேச அளவில் ஏ அணியில்
அதிகபட்ச ரன் குவித்த வீரர் என்ற
பெருமையை ஷிகார் தவான் பெற்றார்.
இதற்கு முன்பு 2008ம் ஆண்டு லண்டனில்
நடந்த ஆட்டத்தில் இலங்கை வீரர் உபுல்
தரங்கா 173 ரன்கள்
அடித்ததே இதுவரை சாதனையாக இருந்தது.
அதனை இப்போது தவான் முறியடித்துள்ளார்.

[Continue reading...]

இங்கிலாந்து ஆஸ்திரேலியா இடையிலான ஆஷஸ் 3 வது டெஸ்ட் டிராவில் முடிந்தது Ashes 3rd test Match drawn

இங்கிலாந்து-ஆஸ்திரேலியா அணிகள் இடையிலான ஆஷஸ் போட்டி தொடரின் 3-வது டெஸ்ட் போட்டி டிராவில் முடிந்தது.

இங்கிலாந்து-ஆஸ்திரேலியா கிரிக்கெட் அணிகள் இடையிலான ஆஷஸ் தொடரின் 3-வது டெஸ்ட் போட்டி மான்செஸ்டரில் நடந்தது. ஆஸ்திரேலியா முதல் இன்னிங்சில் 7 விக்கெட்டுக்கு 527 ரன்கள் குவித்து டிக்ளேர் செய்தது. பின்னர் ஆடிய இங்கிலாந்து அணி 4-வது நாளில் முதல் இன்னிங்சில் 368 ரன்கள் சேர்த்து ஆல்-அவுட் ஆனது.

பின்னர் 159 ரன்கள் முன்னிலையுடன் ஆஸ்திரேலியா 2-வது இன்னிங்சை விளையாடியது. வேகமான ரன் சேர்ப்பில் ஈடுபட்ட ஆஸ்திரேலியா விக்கெட்டுகளை விரைவில் இழந்தது. போதிய வெளிச்சமின்மையால் 36-வது ஓவரில் ஆட்டம் நிறுத்தப்பட்ட போது அந்த அணி 7 விக்கெட்டுக்கு 172 ரன்கள் எடுத்திருந்தது. அதைத் தொடர்ந்து மழையும் பெய்ததால் 4-வது நாள் ஆட்டம் அத்துடன் முடித்துக் கொள்ளப்பட்டது. இதன் காரணமாக 32 ஓவர்கள் இழப்பு ஏற்பட்டன. வார்னர் 41 ரன்களும், வாட்சன் 18 ரன்களும், கேப்டன் மைக்கேல் கிளார்க் 30 ரன்களும் (நாட்-அவுட்) எடுத்தனர். அத்துடன் ஆஸ்திரேலிய அணி 2-வது இன்னிங்சை (172/7) டிக்ளேர் செய்தது.

நேற்று 5-வது மற்றும் கடைசி நாள் ஆட்டம் நடந்தது. 332 ரன் எடுத்தால் வெற்றி என்ற இலக்குடன் இங்கிலாந்து அணி 2-வது இன்னிங்சை ஆடியது. மழை காரணமாக ஆட்டம் தாமதமாக தொடங்கியது. தொடக்க ஆட்டக்காரர் கேப்டன் குக் ரன் எதுவும் எடுக்காமலும், டிராட் 11 ரன்னிலும், கெவின் பீட்டர்சன் 8 ரன்னிலும் அடுத்தடுத்து ஆட்டம் இழந்தனர்.

மதிய உணவு இடைவேளையின் போது இங்கிலாந்து அணி 2-வது இன்னிங்சில் 3 விக்கெட் இழப்புக்கு 35 ரன் எடுத்து இருந்தது. மதிய உணவு இடைவேளை முடிந்து ஆட்டம் தொடங்கிய முதல் ஓவரிலேயே மழை குறுக்கிட்டது. அப்போது அணியின் ஸ்கோர் 20.3 ஓவர்களில் 3 விக்கெட்டுக்கு 37 ரன்னாக இருந்தது. ஜோரூட் 13 ரன்னுடனும், இயான்பெல் 4 ரன்னுடனும் களத்தில் இருந்தனர்.

மழை தொடர்ந்து கொட்டியதால் நடுவர்கள் ஆட்டத்தை அத்துடன் கைவிடுவதாக அறிவித்தனர். இதனால் இந்த டெஸ்ட் டிராவில் முடிந்தது. இதனால் ஆஷஸ் தொடரை கைப்பற்ற வேண்டும் என்ற ஆஸ்திரேலியாவின் கனவு கலைந்தது. எஞ்சிய இரண்டு ஆட்டங்களில் ஒன்றில் வென்றாலே இங்கிலாந்து தொடரை கைப்பற்றி விடும்.

ஆஷஸ் போட்டி தொடரின் 4-வது டெஸ்ட் போட்டி ஷெஸ்டர் லி ஸ்டிரிட்டில் வருகிற 9-ந் தேதி தொடங்குகிறது.

[Continue reading...]

4 வது ஒருநாள் போட்டி இந்தியா வெற்றி

இந்திய கிரிக்கெட் அணி ஜிம்பாப்வேயில்
சுற்றுப்பயணம் செய்து 5 ஒரு நாள்
போட்டி கொண்ட தொடரில்
விளையாடி வருகிறது. இதுவரை நடந்த 3
போட்டிகளிலும்
இந்தியா வென்று தொடரை கைப்பற்றியது.

இந்நிலையில் இன்று 4-வது ஒருநாள்
போட்டி புலவாயோவில்
இன்று நடைபெற்றது. டாஸ் வென்ற இந்திய
அணியின் கேப்டன் வீராட் கோலி பீல்டிங்
தேர்வு செய்தார்.

ஜிம்பாப்வேயின் சிபாண்டா- சிகன்டர்
ரஸா ஆகியோர் தொடக்க வீரர்களாக களம்
இறங்கினார்கள். ரஸா 7 ரன்னினல் மோகித்
சர்மா பந்தில் ஆட்டம் இழந்தார். அடுத்து வந்த
மககட்ஷா 11 ரன்னி்ல ரன் அவுட் அனார்.

அதன்பின் வந்த கேப்டன் டெய்லர்,
வில்லியம்ஸ் அடுத்தடுத்து ரன் ஏதும்
எடுக்காமல் அவுட் ஆக ஜிம்பாப்வே அணி 42.4
ஓவரிக்குள் 144 ரன் எடுத்து ஆல்அவுட்
ஆனது.

சிகிம்புரா மட்டும் அவுட்டாகாமல் 50 ரன்
எடுத்தார். இந்திய அணி சார்பில் மிஸ்ரா 3
விக்கெட்டும், மோகித் சர்மா, ஜடேஜா தலா 2
விக்கெட்டுகளும் வீழ்த்தினர். பின்னர் 145
ரன்கள் எடுத்தால் வெற்றி என்ற இலக்குடன்
இந்திய அணி களமிறங்கியது.
தொடக்க ஆட்டக்காரர்களாக புஜாராவும்,
ரோகித் சர்மாவும் களமிறங்கினர்.

இருவரும்
நிதானமாக ஆடி ரன்களை சேர்த்தனர். அணியின்
ஸ்கோர் 23-ஆக இருந்தபோது, சதாரா பந்தில்
ஸ்டம்புகளை பறிகொடுத்து புஜாரா வெளியேறினார்.
அவர் 13 ரன்கள் மட்டுமே எடுத்திருந்தார்.
பின்னர் ரோகித் சர்மாவுடன், சுரேஷ்
ரெய்னா இணைந்தார். இருவரும் பொறுப்புடன்
விளையாடி அரை சதத்தை கடந்தனர். 30.5
ஓவர்களில் இந்திய
அணி வெற்றி இலக்கை எட்டியது. ரோகித்
சர்மா 64 ரன்களுடனும், சுரேஷ் ரெய்னா 65
ரன்களுடனும் கடைசி வரை ஆட்டமிழக்காமல்
இருந்தனர். இதனால் இந்திய அணி 9 விக்கெட்
வித்தியாசத்தில் ஜிம்பாப்வேயை வீழ்த்தியது.
இதன்மூலம் இந்திய அணி 5 போட்டிகள்
கொண்ட இந்த தொடரில் 4-0 என்ற புள்ளிக்
கணக்கில்
தொடர்ந்து முன்னிலை பெற்று வருகிறது.

[Continue reading...]

2015 ஆம் ஆண்டு உலககோப்பை கிரிக்கெட் அட்டவணை

11-வது உலக கோப்பை ஒருநாள்
போட்டியை சர்வதேச கிரிக்கெட் கவுன்சில்
(ஐ.சி.சி) அனுமதியுடன்
ஆஸ்திரேலியா மற்றும்
நியூசிலாந்து கிரிக்கெட் வாரியங்கள்
இணைந்து நடத்துகிறது. இந்த போட்டி 2015-
ம் ஆண்டில் பிப்ரவரி மற்றும் மார்ச் மாதங்களில்
நடைபெறுகிறது.
14 நாடுகள் பங்கேற்கும் இந்த போட்டியின் லீக்
மற்றும் நாக்-அவுட் ஆட்டங்கள்
ஆஸ்திரேலியா மற்றும்
நியூசிலாந்து நாடுகளில் சரிசமமான
எண்ணிக்கையில் நடைபெறும்.
இந்த போட்டியில் கலந்து கொள்ளும் அணிகள்
இடம் பெறும் பிரிவுகள், அணிகள் மோதல்
அட்டவணை, ஆட்டங்கள் நடைபெறும் இடம்
ஆகியவை குறித்து சர்வதேச கிரிக்கெட்
கவுன்சில் மற்றும் ஆஸ்திரேலியா,
நியூசிலாந்து கிரிக்கெட் வாரியங்கள்
கலந்து ஆலோசித்து முடிவு செய்து இருக்கின்றன.
போட்டி அட்டவணை வெளியிடும்
நிகழ்ச்சி இன்று (செவ்வாய்க்கிழமை)
ஒரே நேரத்தில் மெல்போர்ன் (ஆஸ்திரேலியா),
வெலிங்டன் (நியூசிலாந்து) ஆகிய இடங்களில்
நடைபெறுகிறது. இந்திய
நேரப்படி அதிகாலை 5.30
மணிக்கு அட்டவணை வெளியாகிறது.
அட்டவணை வெளியிடும் நிகழ்ச்சியில்
சர்வதேச கிரிக்கெட் கவுன்சில்,
ஆஸ்திரேலியா, நியூசிலாந்து கிரிக்கெட்
வாரிய நிர்வாகிகள், இன்னாள் மற்றும்
முன்னாள் வீரர்கள் கலந்து கொள்கிறார்கள்.
மெல்போர்னில் நடைபெறும்
அட்டவணை அறிவிப்பு நிகழ்ச்சியில் ஐ.சி.சி.
துணைத்தலைவர் முஸ்தபா கமால்,
தலைமை செயல் அதிகாரி டேவிட் ரிச்சர்ட்சன்,
உள்ளூர் போட்டி அமைப்பு குழு சேர்மன்
ரால்ப் வாட்டர்ஸ், தலைமை செயல்
அதிகாரி ஜான் ஹார்டென் ஆகியோரும்,
வெலிங்டனில் நடைபெறும் நிகழ்ச்சியில்
ஐ.சி.சி.தலைவர் ஆலன் ஐசக்,
நியூசிலாந்து கிரிக்கெட் வாரிய தலைவர்
தெரஸ் வால்ஷ் ஆகியோர் பங்கேற்பார்கள்
என்று தெரிவிக்கப்பட்டுள்ளது.

[Continue reading...]

மீண்டும் முதலிடத்தில் இந்தியா

சர்வதேச ஒருநாள் போட்டிகளுக்கான
ஆண்டு தரவரிசைப் பட்டியலை ஐ.சி.சி.
இன்று வெளியிட்டது. இதில் இந்தியா மீண்டும்
முதலிடத்தைப் பிடித்தது.
உலக சாம்பியனான இந்தியா, இங்கிலாந்தில்
நடைபெற்ற சாம்பியன்ஸ் டிராபி மற்றும்
வெஸ்ட் இண்டீசில் நடைபெற்ற
முத்தரப்பு தொடரில் அபார
வெற்றி பெற்று கோப்பையை கைப்பற்றியதால்,
122 புள்ளிகளுடன்
இந்தியா முதலிடத்தை தக்க வைத்துள்ளது.
114 புள்ளிகளுடன் ஆஸ்திரேலியா 2-
வது இடத்திலும், 112 புள்ளிகள் பெற்றுள்ள
இங்கிலாந்து 3-வது இடத்திலும் உள்ளன.
ஒருநாள் போட்டி பேட்ஸ்மேன்களுக்கான
தரவரிசையில் இந்தியாவின் விராட் கோலி 3-
வது இடத்திலும், டோனி 6-வது இடத்திலும்
உள்ளனர். தென் ஆப்பிரிக்காவின் டிவில்லியர்ஸ்
முதலிடத்தில் உள்ளார்.
பந்துவீச்சாளர் வரிசையில் வெஸ்ட் இண்டீஸ்
வீரர் சுனில் நரைன் முதலிடத்திலும்,
பாகிஸ்தான் வீரர் அஜ்மல் 2-ம் இடத்திலும்,
இங்கிலாந்தின் ஸ்டீவன் பின் 3-
வது இடத்திலும் உள்ளனர்.
டாப்-10 வரிசையில் இந்திய வீரர்களில் ஆல்
ரவுண்டர் ஜடேஜா ஓரிரு இடங்கள்
சரிந்தபோதிலும் தற்போது 5-வது இடத்தில்
இருக்கிறார். முத்தரப்பு தொடரில் 10
விக்கெட்டுகள் வீழ்த்திய இந்திய வீரர்
புவனேஸ்குமார் 29 இடங்கள்
முன்னேறி டாப்-20 வரிசையில் இடம்பிடித்தார்.
தற்போது அவர் 20-வது இடத்தில் இருக்கிறார்.

[Continue reading...]

மு‌த்தரப்பு கிரிக்கெட் இந்தியா சாம்பியன்

வெஸ்ட் இண்டீஸில் நடந்த முத்தரப்பு கிரிக்கெட் போட்டியில் பைனலில் இலங்கையை வென்று சாம்பியன் ஆனது.இதில் முதலில் இலங்கை 48.5 ஓவரில் அனைத்து விக்கெட்டுகளையும் இழந்து 201 ரன்கள் எடுத்திருந்தது. பின்னர் விளையாடிய இந்திய அணி 203ரன்கள் எடுத்து ‌வெற்றி பெற்றது.

முத்தரப்பு கிரி்க்கெட் : மேற்கு இந்திய தீவில் இலங்கை,இந்தியா, மேற்கு இந்திய தீவு அணிகள் ‌ ஆகிய முன்று நாடுகள் மோதும் முத்தரப்பு கிரிக்கெட் போட்டி நடைபெற்றது. லீ்க் சுற்று ஆட்டத்தில் இந்தியா- இலங்கை அணிகள் ‌மோதின . இதில் டக்ஸ் வொர்த் முறையில் இந்திய அணி வெற்றி பெற்றது. புள்ளிகளின் அடிப்படையில் மீ்ண்டும் இந்தியா - இலங்கை அணிகள் இறுதிப்போட்டியில் மோதின. இதில் முதலில் டாஸ் வென்ற இந்திய அணி பவுலிங்கை தேர்வு செய்தது. தொடர்ந்து பேட்டிங் செய்த இலங்கை அணி 48.5 ஓவரில் அனைத்து விக்கெட்டுக‌ளையும் இழந்து 201 ரன்கள் எடுத்தது. இதனையடுத்து களமிறங்கிய இந்திய அணி விக்‌கெட்டுகளை இழந்து ‌வெற்றிக்காக தத்தளித்து கொண்டிருந்த நிலையில் அணியின் கேப்டன் அதிரடியாக விளையாடி 52 பந்துகளுக்கு 45 ரன்கள் எடுத்து ஆட்டமிழக்காமல் அணிக்கு வெற்றியை ‌தேடி தந்தார்

[Continue reading...]

இந்தியா அபார வெற்றி இறுதிப் போட்டிக்கு தகுதி - tri series india beat sri lanka

இந்தியா, வெஸ்ட் இண்டீஸ், இலங்கை ஆகிய 3 நாடுகள் இடையேயான ஒருநாள் கிரிக்கெட் போட்டி வெஸ்ட் இண்டீசில் நடந்து வருகிறது. ஒவ்வொரு அணியும் மற்ற அணியுடன் தலா இரண்டு முறை மோத வேண்டும். லீக் முடிவில் முதல் இரண்டு இடங்களை பிடிக்கும் அணிகள் இறுதிப்போட்டிக்கு முன்னேறும்.

இந்த போட்டியின் கடைசி லீக் ஆட்டம் போர்ட் ஆப் ஸ்பெயினில் நேற்று இரவு நடந்தது. இதில் இந்தியா-இலங்கை அணிகள் மோதின. இப்போட்டியில் இந்தியா அதிக ரன் வித்தியாசத்தில் வெற்றி பெற்றால் மட்டுமே இறுதிப்போட்டிக்கு முன்னேற முடியும் என்ற நிலையுடன் களம் கண்டது.

[Continue reading...]

முக்கியமான ஆட்டத்தில் இந்தியா இலங்கை அணிகள் மோதல்

3 நாடுகள் கிரிக்கெட் போட்டியில்
இன்று நடைபெறும் முக்கியமான கடைசி லீக்
ஆட்டத்தில் இந்தியா-இலங்கை அணிகள்
மோதுகின்றன.
வெஸ்ட் இண்டீஸ், இந்தியா, இலங்கை ஆகிய
3 நாடுகள் இடையேயான ஒருநாள் கிரிக்கெட்
போட்டி வெஸ்ட் இண்டீசில் நடந்து வருகிறது.
ஒவ்வொரு அணியும் மற்ற அணியுடன்
தலா இரண்டு முறை மோத வேண்டும். லீக்
முடிவில் முதல்
இரண்டு இடங்களை பிடிக்கும் அணிகள்
இறுதிப்போட்டிக்கு முன்னேறும்.
இந்த போட்டியின் 4-வது லீக் ஆட்டம்
முடிவில் வெஸ்ட் இண்டீஸ் அணி 3
ஆட்டத்தில் விளையாடி 2 வெற்றி,
ஒரு தோல்வி கண்டு 9 புள்ளிகளுடன்
முதலிடத்தில் உள்ளது. இலங்கை அணி 2
ஆட்டத்தில் ஆடி ஒரு வெற்றி,
ஒரு தோல்வியுடன் 5 புள்ளிகள் பெற்று ரன்
ரேட் அடிப்படையில் 2-வது இடத்திலும்,
இந்திய அணி 3 ஆட்டத்தில்

[Continue reading...]

வெஸ்ட் இண்டீஸ் க்கு எதிரான ஆட்டத்தில் இந்திய அணி 102 ரன்கள் வித்தியாசத்தில் வெற்றி

இந்தியா, வெஸ்ட் இண்டீஸ், இலங்கை ஆகிய
நாடுகள் பங்கேற்கும் முத்தரப்பு கிரிக்கெட்
போட்டி, வெஸ்ட் இண்டீசில்
நடைபெற்று வருகிறது. 4-வது போட்டியில்
இந்தியா - வெஸ்ட் இண்டீஸ் அணிகள்
நேற்று மோதின. டாஸ் வென்ற வெஸ்ட்
இண்டீஸ் அணி முதலில்
பந்து வீச்சை தேர்வு செய்தது.
இதையடுத்து இந்தியா முதலில் பேட் செய்த
இந்திய அணி 50 ஓவர் முடிவில் 7 விக்கெட்
இழப்புக்கு 311 ரன்கள் குவித்தது. இந்திய
அணியில் விராட் கோலி அதிகபட்சமாக 102
ரன்கள் குவித்தார்.

[Continue reading...]

இந்திய அணி 161 ரன்கள் வித்தியாசத்தில் படுதோல்வி

முத்தரப்பு தொடரின் லீக் போட்டியில் பேட்டிங்கில் சொதப்பிய இந்திய அணி, 161 ரன்கள் வித்தியாசத்தில் படுதோல்வியடைந்தது.

வெஸ்ட் இண்டீசில் முத்தரப்பு ஒருநாள் தொடர் நடக்கிறது. நேற்று நடந்த லீக் போட்டியில் இந்தியா, இலங்கை அணிகள் மோதின. இந்திய அணியில் கேப்டன் தோனி (தொடைப்பகுதி காயம்), புவனேஷ்வர் குமாருக்கு பதில் முரளி விஜய், ஷமி அகமது வாய்ப்பு பெற்றனர். "டாஸ்' வென்ற இந்திய கேப்டன் விராத் கோஹ்லி, "பவுலிங்' தேர்வு செய்தார்.
அசத்தல் துவக்கம்:
இலங்கை அணிக்கு அனுபவ ஜெயவர்தனா, தரங்கா சேர்ந்து அசத்தல் துவக்கம் தந்தனர். இந்திய பந்துவீச்சை துவம்சம் செய்த இவர்கள், அதிவிரைவாக ரன் சேர்த்தனர். இஷாந்த் ஓவரில் வரிசையாக ஒரு சிக்சர், பவுண்டரி அடித்த ஜெயவர்தனா, ஒருநாள் அரங்கில் தனது 16வது சதம் எட்டினார். பின் அஷ்வின் பந்தில் ஒரு சிக்சர் அடித்த ஜெயவர்தனா, அடுத்த பந்தில் 107 ரன்களுக்கு(9 பவுண்டரி, 2 சிக்சர்) அவுட்டானார். தனது அபார ஆட்டத்தை தொடர்ந்த தரங்காவும் சதம் கடந்தார்.
அதிரடி ஆட்டம்:
கடைசி கட்டத்தில் அதிரடி காட்டிய தரங்கா, ஷமி அகமது ஓவரில் 3 பவுண்டரி விளாசினார். மறுபக்கம் கேப்டன் மாத்யூஸ் தன் பங்கிற்கு ரவிந்திர ஜடேஜா ஓவரில் 2 சிக்சர் அடிக்க, ஸ்கோர் "ஜெட்' வேகத்தில் உயர்ந்தது. தொடர்ந்து உமேஷ் யாதவ், ஷமி அகமது பந்துகளை சிக்சருக்கு அனுப்பினார் தரங்கா. கடைசி 16 ஓவரில் 180 ரன்கள் எடுக்கப்பட்டன. இலங்கை அணி 50 ஓவரில் ஒரு விக்கெட்டுக்கு 348 ரன்கள் குவித்தது. தரங்கா(174 ரன், 19 பவுண்டரி, 3 சிக்சர்) மாத்யூஸ்(44 ரன், 4 பவுண்டரி, 1 சிக்சர்) அவுட்டாகாமல் இருந்தனர்.
சொதப்பல் துவக்கம்:
கடின இலக்கை துரத்திய இந்திய அணிக்கு ரோகித் சர்மா (5), ஷிகர் தவான் (24) ஜோடி சொதப்பல் துவக்கம் அளித்தது. பின் வந்த முரளி விஜய் (30) நிலைக்கவில்லை. கேப்டன் கோஹ்லி (2) நீண்ட நேரம் தாக்குப்பிடிக்கவில்லை. தினேஷ் கார்த்திக் (22), ரெய்னா (33) ஓரளவு கைகொடுத்தனர். பின் வந்த ஜடேஜாவுடன் இணைந்த அஷ்வின் (4), ஷமி அகமது (0), இஷாந்த் சர்மா(2), உமேஷ் யாதவ் (0) யாரும் ஒற்றை இலக்கை தாண்டவில்லை. இந்திய அணி 44.5 ஓவரில் இந்திய அணி 187 ரன்களுக்கு "ஆல் அவுட்டாகி' 161 ரன்கள் வித்தியாசத்தில் தோல்வியடைந்தது.
இலங்கை அணி சார்பில் ஹெராத் 3 விக்கெட் சாய்த்தார். ஆட்டநாயகன் விருதை இலங்கையின் தரங்கா வென்றார். பங்கேற்ற இரண்டு லீக் போட்டியிலும் தோல்வியடைந்த  இந்திய அணி புள்ளிப்பட்டியலில் கடைசி இடத்தில் உள்ளது. எஞ்சியுள்ள இரண்டு லீக் போட்டியில் வெற்றி பெற்றாலும் இந்திய அணி பைனலுக்கு முன்னேறுவதில் சிக்கல் ஏற்பட்டுள்ளது.
-----
"பீல்டிங்' ஏமாற்றம்
இந்திய அணியின் பீல்டிங்கும் மோசமாக இருந்தது. ஜெயவர்தனா 25 ரன்கள் எடுத்த நிலையில் ஜடேஜா பந்தில் கொடுத்த சுலப "கேட்ச்சை' முரளி விஜய் கோட்டைவிட்டார். இதை பயன்படுத்திய இவர், சதம் அடித்தார். இதே போல தரங்கா 2 ரன் எடுத்த நிலையில், ரன் அவுட் வாய்ப்பை ரோகித் சர்மா தவறவிட்டார்.

[Continue reading...]

இந்திய கிரிக்கெட் வீரர் அசோக்திண்டா திருமணம் ,சாப்ட்வர் என்ஜினியர் ருத்ரா என்ற பெண்ணை மணக்கிறார்

இந்திய கிரிக்கெட் வீரர் அசோக்
திண்டா (வயது 29), கிரிக்கெட் ஆர்வலரும்,
சாப்ட்வேர் என்ஜினியருமான
ஸ்ரேயாசி ருத்ரா என்ற பெண்ணை திருமணம்
செய்ய உள்ளார். இவர்களது திருமணம்
கொல்கத்தாவின் புறநகரான சின்சுராவில்
வரும் 22-ம் தேதி நடைபெறுகிறது.
அதன்பின்னர் 24-ம் தேதி கொல்கத்தா கிளப்பில்
திருமண வரவேற்பு நிகழ்ச்சி நடைபெற
உள்ளது.
மேற்கு வங்கத்தைச் சேர்ந்த
திண்டா தனது திருமணம்
குறித்து கூறியதாவது:-
நான்கு ஆண்டுகளுக்கு முன் என் நண்பரின்
வீட்டு நிகழ்ச்சிக்கு வந்திருந்தபோது
ஸ்ரேயாசியை சந்தித்தேன். முதல்
பார்வையிலேயே எங்களுக்குள் காதல்
மலரவில்லை. பின்னர் சில ஆண்டுகள்
கழித்து மீண்டும் அவரை சந்தித்தேன்.

[Continue reading...]

சச்சினை விட மிகச் சிறந்த வீரர் குக் - பீட்டர்சன் பாராட்டு

சர்வதேச டெஸ்ட் கிரிக்கெட் அரங்கில் அதிக
ரன்கள் குவித்தவர் இந்திய ஜாம்பவான் சச்சின்
தெண்டுல்கர். 40 வயதான இவர் இதுவரை 198
டெஸ்டில் விளையாடி 51 சதம் உள்பட 15,837
ரன்கள் சேர்த்து இருக்கிறார். 28 வயது நிரம்பிய
இங்கிலாந்து கேப்டன் அலஸ்டயர் குக் 92
டெஸ்டில் விளையாடி 25 சதம் உள்பட 7,524
ரன்கள் எடுத்துள்ளார். அதாவது டெஸ்டில்
அதிக ரன்கள் விளாசியவர்களின் பட்டியலில்
தெண்டுல்கர் முதலிடத்தில் நீடிக்க, குக் இந்த
வகையில் 31-வது இடத்தில் உள்ளார்.

[Continue reading...]

சூப்பர் சாம்பியன் இந்தியா - இளசுகளின் அசத்தல் ஆட்டம்

பர்மிங்காம்: சாம்பியன்ஸ்
டிராபியை "சூப்பராக' கைப்பற்றியது இந்திய
அணி. கடைசி பந்து வரை பரபரப்பாக இருந்த
பைனலில் இங்கிலாந்தை 5 ரன்கள்
வித்தியாசத்தில் வீழ்த்தியது.
இங்கிலாந்தில், 7வது மற்றும்
கடைசி சாம்பியன்ஸ் டிராபி கிரிக்கெட் தொடர்
(மினி உலக கோப்பை) நடந்தது. பர்மிங்காமில்
உள்ள எட்ஜ்பாஸ்டன் மைதானத்தில்
நேற்று நடந்த பைனலில் இந்தியா,
இங்கிலாந்து அணிகள் மோதின. "டாஸ்'
வென்ற இங்கிலாந்து கேப்டன் அலெஸ்டர் குக்,
"பீல்டிங்' தேர்வு செய்தார்.
20 ஓவர் போட்டி:
கனமழை மற்றும் மைதானத்தில் தேங்கி இருந்த
தண்ணீர் காரணமாக போட்டி துவங்குவதில்
தாமதம் ஏற்பட்டது. சுமார் 6
மணி நேரத்துக்கு பின், தலா 20 ஓவர்களாக
குறைக்கப்பட்டு போட்டி நடந்தது.
மழை குறுக்கீடு:
இந்திய அணிக்கு ரோகித் சர்மா (9) ஏமாற்றம்
அளித்தார். 5.4 ஓவரில் ஒரு விக்கெட்டுக்கு 28
ரன்கள் எடுத்திருந்த போது மழை குறுக்கிட,
போட்டி நிறுத்தப்பட்டது. சிறிது நேரத்தில்
மீண்டும் போட்டி துவங்கியது.
தவான் அசத்தல்:
அபாரமாக ஆடிய ஷிகர் தவான், பிராட்
பந்தை சிக்சருக்கு பறக்கவிட்டார். இந்திய
அணி 6.2 ஓவரில் ஒரு விக்கெட்டுக்கு 38
ரன்கள் எடுத்திருந்த போது மீண்டும்
மழை பெய்ய, ஆட்டம் நிறுத்தப்பட்டது. சுமார்
45 நிமிடங்களுக்கு பின், போட்டி துவங்கியது.
தொடர்ந்து அசத்திய தவான், டிரட்வெல்
பந்தில்
அடுத்தடுத்து இரண்டு பவுண்டரி அடித்தார்.
இவர், 31 ரன்கள் எடுத்த
போது ரவி போபரா பந்தில் வெளியேறினார்.
மந்தமாக ஆடிய தினேஷ் கார்த்திக் (6)
நிலைக்கவில்லை.
ஆட்டத்தின் 13வது ஓவரை வீசிய
போபரா இரட்டை "அடி' கொடுத்தார்.
இவரது பந்துவீச்சில் ரெய்னா (1), கேப்டன்
தோனி (0) வெளியேறினார். இதையடுத்து,
ஒரு விக்கெட்டுக்கு 50 ரன்கள் எடுத்திருந்த
இந்திய அணி, திடீரென 5 விக்கெட்டுக்கு 66
ரன்கள் எடுத்து திணறியது.
கோஹ்லி அபாரம்:
பின் இணைந்த கோஹ்லி, ரவிந்திர
ஜடேஜா ஜோடி துணிச்சலாக ஆடியது.
போபரா பந்தில் இரண்டு பவுண்டரி அடித்த
கோஹ்லி, பிராட்
பந்தை சிக்சருக்கு அனுப்பினார்.
இவருக்கு ஒத்துழைப்பு தந்த ஜடேஜா,
ஆண்டர்சன் பந்தில் சிக்சர் அடித்தார்.
ஆறாவது விக்கெட்டுக்கு 47 ரன்கள் சேர்த்த
போது, கோஹ்லி (43) அவுட்டானார். அஷ்வின்
(1) "ரன்-அவுட்' ஆனார்.
இந்திய அணி 20 ஓவரில் 7 விக்கெட்டுக்கு 129
ரன்கள் எடுத்தது. ஜடேஜா (33), புவனேஷ்வர்
குமார் (1) அவுட்டாகாமல் இருந்தனர்.
இங்கிலாந்து சார்பில் போபரா அதிகபட்சமாக 3
விக்கெட் கைப்பற்றினார்.
சவாலான இலக்கை விரட்டிய
இங்கிலாந்து அணிக்கு துவக்கத்திலேயே "ஷாக்'
கொடுத்தார் உமேஷ் யாதவ்.
இவரது "வேகத்தில்' கேப்டன் குக்(2)
அவுட்டானார். அடுத்து வந்த ஜோனாதான்
டிராட், புவனேஷ்வர் ஓவரில்
இரண்டு பவுண்டரி அடித்தார்.
அஷ்வின் ஜாலம்:
இதற்கு பின் அஷ்வின் "சுழல்' ஜாலம்
காட்டினார். இவர் "வைடாக' வீசிய பந்தில்
தோனியின் துடிப்பான "ஸ்டம்பிங்கில்' டிராட்
(20) வெளியேறினார். இவரது அடுத்த ஓவரில்
ஜோ ரூட்(7) சிக்கினார். ஜடேஜா பந்தில் பெல்
(13) சர்ச்சைக்குரிய முறையில் அவுட்டானார்.
இதையடுத்து இங்கிலாந்து 8.4 ஓவரில் 4
விக்கெட்டுக்கு 46 ரன்கள்
எடுத்து தத்தளித்தது.
பின் இயான் மார்கன்,
ரவி போபரா சேர்ந்து அசத்தினர். இஷாந்த்,
ஜடேஜா பந்துகளை சிக்சருக்கு அனுப்பினார்
போபரா.
"ஹீரோ' இஷாந்த்:
இந்த நேரத்தில் போட்டியின்
18வது ஓவரை வீசிய இஷாந்த்
சர்மா திருப்புமுனை ஏற்படுத்தினார்.
இரண்டாவது பந்தில் மார்கன் சிக்சர் அடித்தார்.
3வது பந்தில் மார்கன்(33) அவுட்டானார்.
4வது பந்தில் போபரா(30) வெளியேற, இந்திய
வீரர்கள் உற்சாகத்தில் மிதந்தனர்.
கடைசி ஓவரில் இங்கிலாந்து வெற்றிக்கு 15
ரன்கள் தேவைப்பட்டன. அஷ்வின் அருமையாக
பந்துவீசினார். முதல் பந்தில் ஸ்டூவர்ட் பிராட்
கண்டம் தப்ப, ரன் இல்லை.
இரண்டாவது பந்தில் பவுண்டரி அடித்தார்.
மூன்றாவது பந்தில் ஒரு ரன். 4வது பந்தில் 2
ரன். 5வது பந்தில் 2 ரன். 6வது பந்தில் ரன்
இல்லை. இங்கிலாந்து அணி 20 ஓவரில் 8
விக்கெட்டுக்கு 124 ரன்கள் மட்டும்
எடுத்து தோல்வி அடைந்து, இரண்டாம் இடம்
பெற்றது.
இந்தியா சார்பில் அஷ்வின், ஜடேஜா, இஷாந்த்
தலா 2 விக்கெட் வீழ்த்தினர்.
"ஆல்-ரவுண்டராக' அசத்திய ரவிந்திர ஜடேஜா,
ஆட்ட நாயகன் விருதை வென்றார்.
இதுவரை சாம்பியன்
சாம்பியன்ஸ் டிராபி வரலாற்றில், இந்திய
அணி இரண்டாவது முறையாக
கோப்பை வென்றது. முன்னதாக 2002ல்
இலங்கையுடன்
கோப்பையை பகிர்ந்து கொண்டது.
இதுவரை சாம்பியன்ஸ் டிராபி வென்ற
அணிகள்:
ஆண்டு சாம்பியன் எதிரணி இடம்
1998 தென் ஆப்ரிக்கா வெஸ்ட் இண்டீஸ்
வங்கதேசம்
2000 நியூசிலாந்து இந்தியா கென்யா
2002 இந்தியா+இலங்கை - இலங்கை
2004 வெஸ்ட் இண்டீஸ்
இங்கிலாந்து இங்கிலாந்து
2006 ஆஸ்திரேலியா வெஸ்ட் இண்டீஸ்
இந்தியா
2009 ஆஸ்திரேலியா நியூசிலாந்து தென்
ஆப்ரிக்கா
2013 <இந்தியா இங்கிலாந்து இங்கிலாந்து
* கடந்த 2002ல் மழையால் பைனல்
கைவிடப்பட, இந்தியா+இலங்கை அணிகள்
கோப்பையை பகிர்ந்து கொண்டன.
தவான் "கோல்டன் பேட்'
இம்முறை அதிக ரன்கள் எடுத்த
பேட்ஸ்மேன்கள் வரிசையில் இந்தியாவின்
ஷிகர் தவான் முதலிடம் பிடித்தார். இவர், 5
போட்டியில் 2 சதம், ஒரு அரைசதம் உட்பட
363 ரன்கள் எடுத்தார். இதற்காக
இவருக்கு "கோல்டன் பேட்' வழங்கப்பட்டது.
இப்பட்டியலில் "டாப்-5' பேட்ஸ்மேன்கள்:
வீரர் போட்டி ரன்கள் 100/50
தவான் (இந்தியா) 5 363 2/1
டிராட் (இங்கிலாந்து) 5 229 0/2
சங்ககரா (இலங்கை) 4 222 1/1
ரோகித் (இந்தியா) 5 177 0/2
கோஹ்லி (இந்தியா) 5 176 0/1
ஜடேஜா "கோல்டன் பால்'
"சுழலில்' அசத்திய இந்தியாவின் ரவிந்திர
ஜடேஜா, இம்முறை அதிக விக்கெட் கைப்பற்றிய
பவுலர்கள் வரிசையில் முதலிடம் பிடித்தார்.
இவர், ஐந்து போட்டியில் 12 விக்கெட்
வீழ்த்தினார். இதற்காக இவருக்கு "கோல்டன்
பால்' வழங்கப்பட்டது.
இவ்வரிசையில் "டாப்-5' பவுலர்கள்:
வீரர் போட்டி விக்கெட்
ஜடேஜா (இந்தியா) 5 12
மெக்லினகன் (நியூசிலாந்து) 3 11
ஆண்டர்சன் (இங்கிலாந்து) 5 11
இஷாந்த் (இந்தியா) 5 10
மெக்லாரன் (தென் ஆப்ரிக்கா) 4 8
அஷ்வின் (இந்தியா) 5 8
ரூ. 12 கோடி பரிசு
நேற்று பட்டம் வென்ற இந்திய
அணிக்கு "ஸ்டெர்லிங் சில்வர்'
கொண்டு தயாரிக்கப்பட்ட, 3.1 கி.கி.,
எடையுள்ள, சாம்பியன்ஸ்
டிராபி கோப்பை வழங்கப்பட்டது. இதன்
மதிப்பு ரூ. 12 லட்சம். தவிர, இந்திய
அணிக்கு ரூ. 12 கோடி பரிசாக
அளிக்கப்பட்டது.
தொடர்ச்சியான அட்டவணை
சாம்பியன்ஸ் டிராபி தொடரில் விளையாடிய
இந்திய அணி வீரர்கள், வெஸ்ட் இண்டீசில்
நடக்கவுள்ள முத்தரப்பு ஒருநாள் தொடரில்
(ஜூன் 28 - ஜூலை 11) பங்கேற்க உள்ளனர்.
மூன்றாவது அணியாக
இலங்கை அணி விளையாடுகிறது. அதன்பின்,
ஜிம்பாப்வே செல்லு<ம் இந்திய அணி,
ஐந்து போட்டிகள் (ஜூலை 24 - ஆக., 3)
கொண்ட ஒருநாள் தொடரில் பங்கேற்கிறது.
இதனையடுத்து, இந்திய அணி வீரர்கள், வரும்
ஆகஸ்ட் மாதம் தாயகம் திரும்ப உள்ளனர்.
அதேவேளையில் ஜிம்பாப்வே அணிக்கு எதிரான
ஒருநாள் தொடருக்கு சில சீனியர்
வீரர்களுக்கு ஓய்வு அளிக்கப்படலாம் எனத்
தெரிகிறது. இத்தொடருக்கான இந்திய அணி,
விரைவில் அறிவிக்கப்பட உள்ளது.
கங்குலியை முந்திய தவான்
இம்முறை 363 ரன்கள் எடுத்த ஷிகர் தவான்,
ஒரு சாம்பியன்ஸ் டிராபி தொடரில் அதிக
ரன்கள் எடுத்த இந்திய வீரர்கள் வரிசையில்
முன்னாள் கேப்டன்
கங்குலியை பின்தள்ளி முதலிடம் பிடித்தார்.
கென்யாவில், 2000ல் நடந்த தொடரில்
முன்னாள் கேப்டன் சவுரவ் கங்குலி 348 ரன்கள்
எடுத்தார்.
தோனி சாதனை
கடந்த 2007ல் இந்திய அணியின் கேப்டனாக
தோனி நியமிக்கப்பட்டார். முதன்முதலில்
இவர், 2007ல் தென் ஆப்ரிக்காவில் நடந்த
"டுவென்டி-20' உலக
கோப்பை வென்று தந்தார். அதன்பின் 2011ல்
சொந்த மண்ணில் நடந்த உலக கோப்பை (50
ஓவர்) தொடரில்,
இந்தியாவுக்கு இரண்டாவது முறையாக உலக
கோப்பை (50 ஓவர்) வென்று தந்தார்.
தற்போது, சாம்பியன்ஸ் டிராபி (மினி உலக
கோப்பை) தொடரில் 100 சதவீத வெற்றியுடன்
கோப்பை வென்று சாதித்தார். இதன்மூலம்
"டுவென்டி-20' உலக கோப்பை, உலக
கோப்பை (50 ஓவர்) மற்றும் சாம்பியன்ஸ்
டிராபி வென்ற முதல் கேப்டன் என்ற
சாதனை படைத்தார்.
தவிர இவர், டெஸ்ட் மற்றும் ஒருநாள்
போட்டிக்கான ஐ.சி.சி., ரேங்கிங்கில் (தரவரிசை)
இந்திய அணியை "நம்பர்-1'
இடத்துக்கு அழைத்து சென்றார்.
பெல் "அவுட்' சர்ச்சை
நேற்று போட்டியின் 9வது ஓவரை வீசிய
ரவிந்திர ஜடேஜாவின் 4வது பந்தில்
இங்கிலாந்தின் இயான் பெல்லை(13),
தோனி "ஸ்டம்பிங்' செய்தார். இது தொடர்பாக
சந்தேகம் எழ, மூன்றாவது அம்பயரிடம்
கேட்கப்பட்டது. "ரீப்ளே'வில் பெல்,
காலை "கிரீசுக்குள்' வைத்திருந்தது தெளிவாக
தெரிந்தது. ஆனால், மூன்றாவது அம்பயர்
ஆக்சன்போர்டு(ஆஸ்திரேலியா) தவறாக
"அவுட்' கொடுத்து அதிர்ச்சி அளித்தார்.
இதையடுத்து பெல்(13) விரக்தியுடன்
வெளியேறினார்.
விருது அர்ப்பணம்
தொடர் நாயகன் விருதை வென்ற மகிழ்ச்சியில்
மீசையை முறுக்கி விட்ட தவான்
கூறுகையில்,""பந்துகள் எகிறும்
இங்கிலாந்து ஆடுகளங்கள்
எனது பேட்டிங்கிற்கு ஒத்துழைத்தது. இந்த
விருதை உத்தரகாண்ட் வெள்ளத்தில்
பாதிக்கப்பட்ட
மக்களுக்கு அர்ப்பணிக்கிறேன்,''என்றார்.

[Continue reading...]

இந்திய அணியில் முண்ணனி வீரர்கள் நீக்கம் ,இளம் வீரர்களுக்கு மட்டுமே வாய்ப்பு young indian cricket team

இந்திய கிரிக்கெட் அணியின்
ஜிம்பாப்வே சுற்றுப்பயணத்திற்கான
போட்டி அட்டவணை வெளியிடப்பட்டுள்ளது.
இதன்படி இந்திய அணி ஜூலை 24-
ந்தேதி முதல் ஆகஸ்டு 3-
ந்தேதி வரை ஜிம்பாப்வேயில் சுற்றுப்பயணம்
செய்து 5 போட்டி கொண்ட ஒரு நாள் தொடரில்
விளையாடுகிறது.
ஜூலை 24-ந்தேதி, ஜூலை 26, ஜூலை 28,
ஜூலை 31 மற்றும் ஆகஸ்டு 3-ந்தேதி ஆகிய
நாட்களில் ஒரு நாள் போட்டிகள் நடக்கின்றன.
இதில் முதல் 3 ஆட்டங்கள் ஹராரே நகரிலும்,
கடைசி இரு ஆட்டங்கள் புலவாயோவிலும்
நடைபெறுகிறது.
இந்த போட்டிக்கு,
முன்னணி வீரர்களுக்கு ஓய்வு கொடுத்து விட்டு 2-
ம் தர அணியை அனுப்ப இந்திய கிரிக்கெட்
வாரியம் திட்டமிட்டுள்ளது. 2010-ம்
ஆண்டு அங்கு நடந்த முத்தரப்பு தொடரில்
இந்திய அணி சுரேஷ் ரெய்னா தலைமையில்
பங்கேற்றது நினைவு கூரத்தக்கது.

[Continue reading...]